ОҚО-да төртем дүниеге келді
Оңтүстік Қазақстан облысында төртем дүниеге келді. 4 баланың туылуы сирек кездесетін құбылыс. Оңтүстікте мұндай оқиға соңғы он жыл көлемінде болмапты. 4 бүлдіршіннің анасы 28 жастағы Рәбия Шерметованың да, шақалақтардың да денсаулығы бірқалыпты.
Автор: Бек Әбиев
18.03.2014
Бөбектер мерзіміне жетпей, 7 жарым айлығында дүниеге келген. Табиғи жолмен босандыру қиын болған соң, баланы кесір тілігі арқылы алыпты. Төртемдердің үшеуі қыз, біреуі ұл – Фатима, Зухра, Захра және Хасан. Шақалақтар 6 күн жансақтау бөлімінде жатыпты. Қазір анасының сүті аздық еткендіктен, бүлдіршіндер балаларға арналған қоспамен де тамақтандырылып жатыр. Рәбия Шерметованың төртемге дейін 7 жастағы тұңғыш ұлы да бар.
Рәбия Шерметова, төртемнің анасы:
-Узиге бірінші барғанда айтты төрт бала, біріншіде 4 бала деген еді. Кейін соңғысында 1 бала, үш қыз деп айтты. Күйеуім біріншіде қорықты кішкентай. Кейін үйренді ғой. Ия, қазір сүйініп үйдегілерде, бәрі жақсы қабылдап жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
