Назарбаев: «Доллар қымбаттады деп байбалам салуды қою керек»
Доллар қымбаттады деп байбалам салуды қою керек. Бүгін Батыс Қазақстан облысында халықпен кездескен Нұрсұлтан Назарбаев осылай деп мәлімдеді. Президенттің айтуынша, еліміздің болашағы жарқын болуы тиіс.
Автор: Гүлмира Тасболатқызы
09.03.2016
Оралға ат басын тіреген Елбасы алдымен өңірдегі Тұрғынүй-құрылыс комбинатында болып, Қадыр Мырза-Әли атындағы өнер үйінде өңірдің зиялы қауымымен кездесті. Алғашында әңгіме ғылым, өнер мен театр жайында өрбігенімен, бәрібір экономиканы айналып өтпеді. Елбасы теңгемен жалақы алып, ұлттық валютаға тауар сатып алып жүрген жұртқа долларға жалтақтауды қою керек дейді. Есесіне, білім саласына мықты назар аударған жөн.
Нұрсұлтан Назарбаев, Қазақстан Республикасының президенті:
- Қазіргі дағдарыс әлемдік экономиканы жаңартады. Жаңа жетістіктер, инновациялар арқасында біз немесе біздің ұрпағымыз әлемдік экономиканың жаңа түрінің дамуына куә боламыз. Біз бұған дайын болуымыз керек. Ол үшін білім саласына назар аудару қажет.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
