Ақтөбе облысында әскерде соққыға жығылып ата-анасы үйінде кісендеп ұстап отырған жігіт жындыханаға жабылды
Ақтөбе облысында ата-анасы кісендеп ұстап отырған жігіт психдиспансерге қабылданды. Талмасы ұстаса ешкімге бой бермей кететін Азамат Боқановтың диагнозын мамандар бір ай ішінде анықтаймыз деп отыр.
Автор: Жаңалық Ахаш
20.10.2016
25 жастағы бұл жігіт осыдан 6 жыл бұрын әскерде соққы алған. Содан үйіне оралғалы бері отбасыда береке жоқ. Өйткені зіңгіттей жігіттің ауруы қозғанда әл бермей, көзіне көрінгенге тиіседі. Тіпті, әкесінің саусағын шайнап тастаған. Сондықтан көтерілгенде кісендеп қояды екен. Енді мамандар оны бір ай психдиспансерде емдеп, ұстамасының себебін анықтамақшы. Кейін мүгедектік рәсімдеуге көмектесеміз деп отыр. Бірақ науқасты үнемі оқшау ұстауға болмайтынын айтады.
Данияр Шалтақов, Ақтөбе облыстық психоневрологиялық диспансері бас дәрігерінің орынбасары:
-Науқасты мұнда оқшаулап ұстап отыра алмаймыз. Сондықтан диспансерден шыққан соң үйде дәрілерін уақытылы беріп отыру керек. Талмасы ұстамаса ешкімге зияны жоқ. Мұндай дертке қатты соққы мен психологиялық күйзелістің кесірінен шалдығады адамдар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
