Түркияның Диярбақыр қаласында жойқын жарылыс болды

Автокөлікке жасырылған жарылғыш зат дәл полиция бөлімшесінің алдында іске қосылған. Лаңкестік әрекеттен 8 адамның қаза тапқаны туралы хабарланды. Олардың екеуі полиция қызметкері. Түркия билігі бұл жарылысқа Күрд жұмысшы партиясын кінәлап отыр. Себебі, бұған дейін дәл осы Диярбақырда оппозициялық күрд ұйымы жетекшілерінің бірі Салахаддин Демирташ ұсталған болатын. Ал бүгін полиция Күрдтердің жұмысшы партиясына бүйрегі бұратын тағы 11 парламент депутатын қамауға алғанын мәлімдеді.