Бие сүтінің ағзаны тез қартайтпайтыны дәлелденді
Саумал ішсең сау жүресің! Бие сүтінің ағзаны тез қартайтпайтын да әсері бар екен! Ұлттық тағамтану академиясының ғалымдары зерттеу жүргізіп, осындай тұжырымға келген. Саумал мен қымыз созылмалы аурулардың алдын-алып, диабет пен остеопорозды емдеуде таптырмас дәрі дейді олар.
Автор: Олжас Байжан
05.12.2016
Бие сүті әсіресе егде жастағы адамдар үшін өте пайдалы екен. Екі ай бойы күнделікті үзбей саумал ішкен қарттарда холестерин азайып, ағзадағы глюкоза мөлшері қалыпты жағдайға түсіпті. Бұл өз кезегінде кәрілікті тежеуге септігін тигізетін көрінеді. Дегенмен, бие сүтінен жасалған тағамдардың пайдасы мол болғанымен, құны тым қымбат. Оның үстіне, саумалды суытпай ішуге көбінің, әсіресе қала тұрғындарының мүмкіндігі жоқ. Бірақ бұл олқылықты жоюға болады дейді академик Төреғали Шарманов.
Төреғали Шарманов, Қазақ тағамтану академиясының президенті:
– Автоматикалы сауынды жасайтын фермалар жоқтың қасы. Қарағандының жанында, қазір Павлодар жасайын деп жатыр. Фирмаларға ұсыныс жасап жатырмыз. Биенің сүтін құрғақ етейік, көп жинайық, халық қызықсын деп. Рахатын көріп-ақ жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
