Ағайынды төртеу» ұйымының басшысы ауруханаға түсті
Ақтөбеде мұнай ұрлығына қатысты қылмыстық топты басқарды деген күдікпен ұсталған Еркін Ізбасар ауруханаға түсті. Оның «Ағайынды төртеу» ұйымының басшысы екені мәлім.
Автор: Жаңалық Ахаш
30.12.2016
Анасының айтуынша, ұлын бір апта бұрын абақтыдан темір жол ауруханасына ауыр халде жеткізген. Арбаға таңылған күдіктінің бір бүйрегі жоқ. Соның кесірінен қан қысымы көтеріліпті. Қазір оның бөлмесіне емдеп жүрген дәрігерден басқа ешкімді жолатпайды. Ал ондағы басшылар Еркін Ізбасардың жағдайына қатысты жұмған ауыздарын ашпай отыр. Айта кетелік, «Ағайынды төртеудің» серкесін осыдан екі апта бұрын мұнай ұрлаумен айналысқан қылмыстық топты басқарды деген күдікпен қамауға алған еді. Оның қол астында болған 16 адам да істі болып жатыр. Араларында тіпті құзырлы орган басшылары да бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
