Елімізде екі бірдей банктің келісіміне Ұлттық банк қарсы шықты
Бірігуге қатысты келіссөздерді бастап кеткен Qazkom мен Халық банкінің мәселесіне Ұлттық Банк араласты. Еліміздің бас қаржы ұйымының өкілдері өзінің сыртынан тон пішіп, акционерлерді оңды-солды ауыстыруға 2 ірі банктің де құзыреті жоқ деп ашығын айтты.
Автор: Аруна Ортай
24.01.2017
Қаржы ұйымдары ең алдымен депозит салғандар мен несие алғандардың ертеңгі жағдайын ескеруі тиіс. Тек клиенттердің қаржысына кепілдік берілген жағдайда ғана бірігу туралы қандайда бір сөз қозғауға болады дейді Ұлттық банктегілер. Оның өзінде де Qazkom пен Халық банкі акционерлерді өз бетімен ауыстыра алмайды екен. Еліміздің екі бірдей банкі күтпеген жерден келіссөзді бастап жатырмыз деп сайттарына жарыса жазған болатын. Бұл - қаржылық қиындықтардан шығудың амалы болуы мүмкін. Ал жағдайды енді өз бақылауына алған Ұлттық банк өкілдері оларға қойылатын талап күшейеді деп отыр.
Әнуар Ізбасаров, Ұлттық Банк департаменті директорының орынбасары :
-Qazkom мен Халық банкі бірігу үшін Ұлттық банктен келісім алуы тиіс. Бұл жағдайды біз міндетті түрде жіті қадағалаймыз. Барлық құжаттарды зерттеп, салымшылардың құқығы қорғалған жағдайда ғана басқарма шешім шығарады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
