Талдықорғанның әйгілі сутенері қыздарды қалай арбағанын айтты

Талдықорғанда қазақ қыздарын Қытайда жезөкшелікпен айналысуға мәжбүрлеген азамат сот алдында жауап беруде. 34 жастағы Сабырбай Келес өрімдей қыздарды сол елде тәнін сатуға итермелеген. Сутенер өз құрбандарына бастапқыда жоғары жалақылы әрі жайлы жұмыс тауып беруге уәде етеді екен. Артынша, оларды қонақүйге жеткізіп, шетелдіктердің қойнына салып беріп отырған. Сөйтіп, бойжеткендердің біразы секс-құлдыққа жегіліпті. Жеңгетайлықты кәсіп еткен азамат ақыры қолға түскен. Сабырбай Келес енді «адам саудасы» бабы бойынша жауап беріп жатыр.