Ақтөбе облысында тендерді тек танысына бергізген әкімнің орынбасары қамауға алынды

Мұғалжар ауданының әлеуметтік саласына жауапты болған Қайырғали Назаров тергеу біткенше 2 ай бойы абақтыда отырады. Оған алаяқтық жолмен алты миллион теңгені қалтасына басты деген айып тағылып отыр. Тергеу мәліметінше, мұғалжарлық шенеунік қарамағындағы 7 ауылдың әкіміне спорт алаңын салу үшін «Еңбек-Ақтөбе» компаниясымен ғана келісімге отыруға мәжбүрлеген. Ал қызмет ақысын қымбатқа бағалап, үстінен көрген пайданы серіктестік басшысымен бірге бөліп алған деген де ақпарат бар. Қазір серіктестік басшысы да шенеунікпен бірге қамауда отыр.