Көкшетауда 12 жасар қызды зорлады деген күдікпен соқталдай жігіт ұсталды
Ол өзінің азғындық ойын қала шетіндегі молада жүзеге асырғанын айтып, кінәсін бірден мойындаған. 2 апта бойы аяғынан тік тұрып іздеген полиция 24 жастағы күдіктіні теміржол вокзалында қолға түсірді.
Автор: Айзат Тұрғынбекқызы
22.08.2017
Сұмдық оқиға екінші дүниежүзілік соғыс кезінде қаза тапқан белгісіз жауынгерлер зиратында болған. Күдікті сол маңда тұратын кішкентай қызды мола жаққа алдап апарыпты. Жеткіншектен жоғалтып алған әмиянын іздеуге көмектесуін сұраған. Сөйтіп, азғындық әрекетін ол мына бейіттің жанында істеген. Ұсталған жігіт Көкшетауға Бурабай ауданынан жұмыс іздеп келген екен. Ұялы телефонын тексергенде де іші тұнып тұрған порнографиялық бейнефильмдер екені анықталған. Енді азғын кемі 15 жылын абақтыда өткізуі мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
