Ан-148 бортында қазақстандықтар болған жоқ
лдын ала мәлімет бойынша, 11 ақпан күні Ресейде апатқа ұшыраған Ан-148 ұшағында болған жолаушылар арасында Қазақстан азаматтары жоқ.
09:07 12.02.2018
Бұл туралы ҚР СІМ баспасөз қызметінің жетекшісі Әнуар Жайнақов мәлім етті.
« Ан-148 ұшағында болған жолаушылар арасында Қазақстан азаматтары болған жоқ. Ресейдегі ҚР дипломаттары жергілікті қызметтермен тікелей байланыста. Әуе апатында қаза болған барша жандардың отбасылары мен жақындарына қайғыра көңіл айтамыз», - деп жазды Әнуар Жайнақов əлеуметтік желіге.
Еске салсақ, 11 ақпанда Мәскеудің Домодедово әуежайынан көкке көтерілген Ан-148 жолаушылар ұшағы көп ұзамай радардан жоғалып кеткен болатын. Кейін ұшақ қалдықтары Мәскеу облысының Раменск ауданында табылған.
«Саратов әуе желілері» компаниясына тиесілі ұшақтың бортында 65 жолаушы мен 6 экипаж мүшесі болды. Олардың барлығы ашал құшты.
Апатқа не себеп болғандығына қатысты ресми ақпарат əзірге жоқ. Тергеу комитеті қайғылы оқиға ауа райының нашарлауы, экипаждың қателігі, сондай-ақ техникалық ақау салдарынан болуы мүмкіндігін айтуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
