Еркінбек Әмірғалиев, Алматы қалалық еңбек инспекциясы басқармасының басшысы:

Еңбек процесін жүзеге асырудың мұндай нысандары қолданыстағы заңнамада қарастырылған, бірақ еңбек кодексінде олар аралас қашықтықтан жұмыс және қашықтан жұмыс деп аталады. Біріктірілген қашықтан жұмыс – жұмыс берушінің орналасқан жері бойынша да, қашықтан жұмыс істеу арқылы да еңбек міндеттерін орындау кезеңдерінің ауысуы. Қашықтықтағы жұмыс – жұмыс процесінде ақпараттықкоммуникациялық технологияларды пайдалана отырып, жұмыс беруші орналасқан жерден тыс еңбек процесін жүзеге асыру.

Қашықтан жұмыс істеу еңбек шартын жасау кезінде де, еңбек шартына тиісті өзгерістер мен толықтырулар енгізе отырып, еңбек шартының қолданылу мерзімі ішінде де белгіленеді.

Жұмыс беруші қызметкерді еңбек міндеттерін орындау үшін қажетті жабдықпен, ақпараттандыру объектілерімен, байланыс қызметтерімен және өзге де құралдармен қамтамасыз етеді. Ол сондайақ, оларды орнату және техникалық қызмет көрсету шығындарын көтереді.

Өз кезегінде, қызметкер еңбек міндеттерін орындау барысында жабдықтарды, ақпараттандыру объектілерін, байланыс қызметтерін және жұмыс беруші қамтамасыз еткен өзге де құралдарды пайдалануға міндетті.

Қызметкер еңбек міндеттерін орындау үшін өзінің жабдығын, ақпараттандыру объектілерін және өзге де құралдарды пайдаланған, сондайақ байланыс қызметтеріне ақы төлеу жөніндегі шығыстарды көтерген жағдайда, жұмыс беруші өтемақы төлейді. Оның мөлшері, төлеу тәртібі мен мерзімі қызметкермен келісім бойынша белгіленеді.

Тараптардың келісімі бойынша қашықтан жұмыс істейтін қызметкерге жұмыс берушіге жұмысты орындауға байланысты электр энергиясының құнын қоса алғанда, басқа да негізделген шығыстар өтелуі мүмкін.

Қашықтан жұмыс істегені үшін еңбекақы еңбек шартында және жұмыс берушінің актісінде көзделген жұмыс көлемін орындаған кезде толық көлемде төленеді.

Материал Қазақпарат порталынан редакцияланып алынды.