Жедел әрекет ететін қызметкерлер күн сайын сан-алуан оқиғаның ошағында болуға мәжбүр. Олар адам саудасымен, ұйымдасқан қылмыстық топ құрумен, бопсалаумен, алдаумен айналысатын әккі қылмыскерлерді ұстайды... ал бұл құқық қорғау органдарының қызметкерлері ашуға тырысатын қылмыстардың тек кішкентай ғана бір бөлігі.

Басты кейіпкер – Ұйымдасқан қылмысқа қарсы күрес басқармасының қызметкері Асхат. Пара алмайтын әділ, адал опер. Асхат өз-өзіне қол салған қыздың оқиғасын тексеріп жүріп, жас қыздарды ұрлап, одан әрі сексуалдық құлдыққа сату үшін шетелге алып кететін қылмыстық топты кездестіреді. Олар неліктен және қалай ғанаосындай жанкешті жағдайға тап болды? Қыздарға қандай уәде берген? Ал қылмыскерлер бойжеткендерді өзінің уысына түсіру үшін қандай айла-тәсіл ойлап тапты? «Тұтқындар» – шынайы, нақты оқиғаларға негізделген детектив.