Арысты қалпына келтіруге 34,5 миллиард теңге жұмсалмақ 

Арыс қаласы аумағынан бүгінге дейін табылған снаряд бөлшектерінің саны 30 мыңнан асып кетті. Тазарту жұмыстары әлі жалғасып жатыр. Тіпті жағдай жұрт күткеннен де асып түсті. Қорғаныс министрлігі өкілдерінің айтуынша, әскери база аумағынан ұшқан жарылғыш заттар көрші ауылдарға дейін жеткен болып шықты. Саперлар ол елдімекендерді де тазартып жатыр екен.