Катар астанасы Дохада өтіп жатқан жылдың қорытынды турнирінде алғашқы кездесулердің нәтижесі белгілі болды.

Ақ топтағы бәсекелердің бірінде сербиялық теннисшілер әлемнің бірінші ракеткасы Елена Янкович пен оның құрбысы Ана Иванович кездесті. Бұл ойында 6:3,6:4 есебімен әлемнің үздік теннисшісі жеңіске жетсе, Дохадаға додаға сегізінші нөмірмен терілген ресейлік Вера Звонарева, өзінің отандасы Светлана Кузнецовадан үздік шықты. Мұндағы ойын нәтижесі - 6:2,6:3. Екінші топтан табылған америкалық теннисші Венус Уильямс алғашқы турда ресейлік қарсыласы Динара Сафинаға дес бермеді. Есеп - 7:5 және 6:3.