“Алматы-Инфо” газетінің бас редакторы құзіретін жеке басының шаруасына пайдаланған.
“Алматы-Инфо” газетінің бас редакторы Рамазан Есіргепов өз құзіретін жеке басының шаруасына пайдаланып отыр. Бұл туралы бүгін бас прокуратураның ресми өкілі Сапарбек Нүрпейісов мәлім етті.
Автор: Ғабит Ұзақбай
13.11.2008
Қазір Рамазанның ағасы Мұқатай Есіргеповке қатысты қылмыстық іс жүріп жатыр. «Құзырлы органдар менің жақындарымды тұзаққа түсіріп, маған қысым көрсетпекші», - дейді Рамазан Есіргепов. Оның айтуынша, ағасы заңсыз бірнеше пәтерді иеленбек болғандардың жолын кескен. Ал қарсы жақ оның өзін сотқа беріп, үстінен қылмыстық іс қозғаған. Бас прокуратураның мәлімдеуінше, Мұқатай Есіргепов 2001-ші жылдан бері үш рет сотталған. Қазір оның үстінен қылмыстық іс Өскемендегі “Жылуқұрылыс” мекемесінің басшысына күш көрсеткені үшін қозғалып отыр.
Сапарбек Нүрпейісов, Қазақстан Республикасы Бас прокуратурасының ресми өкілі:
-Бұның айтып отырғаны - өз мүддесін қуаттауы. Бұл жақын арада болған нәрсе. 7 жыл бойы қылмыс жүріп келе жатыр екен. Содан-ақ белгілі емес пе? Інісі ағасы үшін жауапқа тартылып жатыр ма, жоқ әлде бұл өзгеше ме? Інісінің ағасына ешқандай қатысы жоқ. Бізде бір-ақ талап бар. Қылмыс жасаған адам жауапқа тартылу керек. Біз тек қана осы тұрғыда жұмыс жасап жатырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
