Ақтөбедегі банктің бұрынғы директоры 66 миллион теңге ұрлаған.
Ақтөбеде “Нефтебанк” филиалының бұрынғы директоры алаяқтық жолмен жалған құжаттар жасап, өзі басқаратын банктің 66 миллион теңгесін жымқырған.
Автор: Раушан Сейсенбаева
13.11.2008
Қазір Экономикалық және сыбайлас жемқорлыққа қарсы күрес агенттігі күдіктіге қатысты Қылмыстық кодекстің 177 бабы бойынша, қылмыстық іс қозғап жатыр. Қаржы полициясының мәліметіне қарағанда, банк басшысы осыдан бір жыл бұрын мүлік агенттігінде тіркелмеген ағасының жер телімін кепілге қойып, өзіне несие рәсімдеген. Онымен қоймай, алаяқ басшының тағы бір банктен 25 млн теңге несие алғаны анықталды.
Қуаныш Исмурзин, Ақтөбе облысы Экономикалық қылмыс және сыбайлас жемқорлыққа қарсы күрес департаментінің бөлім бастығы:
-Несие 191 күнге ғана рәсімделген. Қазір біраз уақыт өтсе де, несиенің бір бөлігі де қайтарылған жоқ. Банкте ақшаның орнын толтыратын кепілдік болмаған. Ал банкті шығынға батырған адамның қазір ақшасы да , тәркілейтін мүлкі де жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
