Сомалилік теңіз қарақшыларының қолына түскен Сауд-Арабиясының танкерінде 2 млн. баррелден астам мұнай бар.

Оның құны қара базарда 100 млн. долларға пара-пар. Сарапшылардың пікірінше теңіз қарақшылары мұнай экспорттаушы компаниялардан ақша талап етуді көздеп отыр. “Зи Финансиал Таймс” басылымының хабарлауынша, кепілдіктегі әскери кеме үшін кезінде 2 млн. доллар сұраған қарақшылар, бұл жолы одан да ірі соманы талап етуі мүмкін. Танкерде Сауд Арабиясы, Польша, Ұлыбритания, Хорватия және Филиппиндік 25 экипаж бар екені анықталды. Олардың барлығы дін-аман. Теңіз қарақшылары осы жылдың басынан бері 83 әскери кемені кепілге алған.