4 мыңнан астам полиция қызметкерлері өздеріне жанғыш шөлмектер мен дөңгелектер, ағаш пен тас лақтырған бүлікшілерге қарсы су атқыштар қолданып, тік ұшақ пен арнайы техника жұмылдырды. Қақтығыс кезінде 50-ге жуық адам жараланып, зауытты басып алған 100-ден астам бүлікші қамауға алынды. Қазір олардың аты жөндері анықталуда. Сондай-ақ, полиция бұл әрекетті ұйымдастырған 23 адамға іздеу жариялап отыр. Жыл басынан бері қаржы дағдарысынан миллиондаған шығынға ұшыраған көлік шығаратын компания екі ай бұрын жұмысшыларының жартысына жуығын қысқартқан болатын. Бүлікшілер жұмыссыз қалғаны үшін компания басшылығынан өтемақы талап етіп, артынан өздері жұмыс істеген “Ссан Йонг” компаниясының зауытын басып алған еді. Билік өкілдері бүлікшілермен ұзақ уақыт келіссөздер жүргізіп, ақырында оларға күш көрсетуге мәжбүр болды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!