Семей: нубий тұқымды теке халықаралық көрмеде жеңімпаз атанды
Ең текті теке Шығыс Қазақстан облысынан табылды. Семей қаласындағы теке Ресейдің Санкт-Петербург қаласында өткен халықаралық көрмеде жеңімпаз атанды. Нубий тұқымды малдың Қазақстандағы жалғыз өкілі қазылар алқасын ерекше тәнті еткен көрінеді.
Автор: Данияр Мұратбаев
10.08.2009
Иесі Сэм деп еркелетіп ат қойған теке басқа тұқымдастарының арасында ерекше күтімге ие. Сэм олармен бір өрісте жайылмайды, тағам мөлшері де арнайы жасалады. Ол мұндай күтімге халықаралық байқаудан кейін ие болды. Сэм жүздеген текелердің арасында “өз тұқымындағы ең мықты теке” номинациясы бойынша бірінші орынды иемденген. Иесі Анастасия: «Ресейден оралғалы Сэмнің бойында өр көкіректік пайда болды», - деп күледі. Ол қазір өзін аса маңғаз сезініп, қасындағы қарапайым текелерді менсінбейді екен.
Анастасия Синегубова, текенің иесі:
- Оның кербез, басқаларға ұқсамайтын ерекше теке екенін енді барлығы біледі. Мұны өзі де түсінетін сияқты. Басқа текелерді менсінбейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
