Билл Клинтонның қызына кениялық азамат құда түсіп, қалыңмал ұсынды
АҚШ-тың бұрынғы президенті Билл Клинтонның қызына кениялық азамат құда түсіп, қалың мал ретінде - 40 теке мен 20 сиыр ұсынды.
Автор: Дина Төлепбергенова
10.08.2009
Ерекше қадамға барған Годвин Кипкемой Чепкургор Кенияның батысында тұрады. АҚШ-тың бұрынғы президенті мен АҚШ-тың қазіргі мемлекеттік хатшысының жалғыз перзенті - Челси Клинтонға ол осыдан 9 жыл бұрын алғаш рет құда түсіп, Ақ үйге хат жазған. Алайда сол жолғы хаты ескерусіз, жауапсыз қалған көрінеді. Араға уақыт салып, Годвин Чепкургор тағы да тәуекелге бел буды. Осы жолы ол сүйген аруы үшін қорасындағы бар малын беруге дайын екендігін алға тартып отыр. Американың ең беделді деген отбасының мүшесі болуға талпынған үміткердің жасы - 39-да. Оның қазір екі әйелі бар. Африкада көп әйел алуға тыйым салынбаған. Сондықтан ол үмітін әлі де үзбей отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
