Ақ үй әкімшілігі Иран басшысымен қарым-қатынас орнатуға дайын екенін мәлімдеді
АҚШ-та Ақ үй әкімшілігі Иран басшысы Махмұд Ахмадинежадпен қарым-қатынас орнатуға дайын екенін мәлімдеді.
Автор: Дастан Шымырбай
10.08.2009
Барак Обаманың қауіпсіздік ісі жөніндегі кеңесшісі Джеймс Джонс биліктің Иранда болған президент сайлауында жеңіске жетіп, өткен сәрсенбіде ғана ант қабылдаған Ахмадинежадпен кездесу өткізуге барлық дайындық шараларын аяқтағанын жеткізді. АҚШ президентінің кеңесшісі ресми Вашингтонның Иран Ислам Республикасының басшыларымен бірлесе жұмыс істеуге міндетті екенін шегелеп айтты. Бұған дейін де Барак Обама Ахмадинежадты Иранның заңды президенті деп қабылдайтынын мәлімдеген болатын. Халықаралық сарапшылар ендігі жерде Вашингтон мен Теһран арасындағы 20 жылға созылған қырғи-қабақ қарым-қатынас түбегейлі өзгеруі мүмкін деп болжайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
