«Нұр Отан» ХДП-сы ғимаратының алдына жиналған зейнеткерлер «көкшетаулық шенеуніктерге қоятын сұрақтарымыз көп» дейді. Ақсақалдардың айтуынша, әкімдер халықтың емес, монополистердің қамын күйттеп отыр. Жалпы, Ақмола облысында жаңа жылдан бастап, су бағасы 7 есе, ал жылу екі есеге қымбаттаған. Электр қуаты үшін төленетін ақы өткен жылдың аяғында ғана 3 мәрте өсіп, 10 теңге 68 тиынға жеткен. Бұл жағдай қарапайым тұрғындарға, әсіресе зейнеткерлерге үлкен қиындық туғызып отыр. Ал электр қуатымен қамтамасыз ететін компания өкілдері: “Көкшетауда жылу-электр орталығы жоқ. Электр қуаты Екібастұздан жеткізіледі. Сондықтан қуат өзге қалаларға қарағанда қымбат” - деп түсіндіреді. Дегенмен ақсақалдар коммуналдық қызмет бағасының осынша тұрақсыз, әрі қымбат болуы әділетсіз деп есептейді.

Айдос Бекеттегі, Көкшетау қаласының тұрғыны:

- Осы бүкіл коммуналдық тарифтің өсуіне электр энергиясының қымбаттауы себеп. Былтырғы жылы 7 теңгеден, 11 теңгеге дейін жақындатылды. Бүгін біз, ақсақалдар, жағдайды айтып тұрмыз. Мәселе түпкілікті шешілсе дейміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!