Екі сағатқа жалғасатын телемарафон әлемнің 20 шақты телеарналарында көрсетіледі. Эфир барысында көрермендер де арнайы құрылған қайырымдылық қорларына ақша аудара алады. “Гаити үшін үміт” қайырымдылық телемарафонына әлемге танымал 40-қа жуық жұлдыз қатысады деп күтілуе. Олардың арасында Мадонна, Джастин Тимберлейк, Кристина Агилера, Шакира және Джэй-Зи сияқты белгілі әншілер бар. Бағдарламаны Джордж Клуни жүргізеді. Естеріңізге сала кетсек, қаңтардың 12-сі күні Гаитиде күші 7 баллдық жер сілкінісі болып, ел астанасы Порт-о-Пренс жермен-жексен болған. Зілзаладан нақты қанша адамның қаза тапқаны осы күнге дейін белгісіз, дегенмен құтқарушылардың болжамдары бойынша, 200 мыңға дейін жетуі мүмкін. 3 млн-нан астам адам баспанасыз қалды. Елде аршу жұмыстары әлі де жалғасуда.

Джордж Клуни, актер:

- Көмек кеш көрсетілуде, бірақ мұндай жағдайда аяқ астынан көмек ұйымдастыру оңай емес. Мыңдаған адамдар қайғырып жатқанда, біз бұған немқұрайлы қарамауымыз керек. Қолымыздан келгенше көмектесуге тырысамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!