КТК: “Наша Казашаның” бірнеше шығарылымы енді CD және DVD дискілерінде!
“Наша Казаша” бағдарламасының бірнеше шығарылымы CD және DVD дискілеріне басып шығарылды. Әзілкеш жігіттер: «Бұл - біздің көрермендерге жаңа жыл қарсаңында жасаған тағы бір сыйымыз», - дейді.
Автор: Асқар Махмұтұлы
28.12.2010
“Наша Казаша” бүгінде КТК арнасындағы ең танымал жобалардың бірі. Енді бағдарламаны қайталап көргісі келетін көрермендерге жаңа мүмкіндік туды. Жоба авторлары “Мәулен және балалар”, “Алып қаладағы күлкі” сияқты бірнеше хабарларды топтастырып сатылымға шығарды. Сондай-ақ шығармашылық топ “Ө операциясы” атты жаңажылдық фильмді түсіріп болды. Ол КТК арнасынан 31 желтоқсанда көрсетіледі.
Мақсат Мамырайымов, “Наша Казаша” жобасының авторы әрі актері:
- Бұл әзіл-сықақ жанрындағы фильм, көптеген қызықтарға толы. Жобамыздағы өз кейіпкерлеріміз қатысады. Барлығын Жаңа жылда көресіз, өте қызық болады деген сенімдеміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
