Алматылық полицейлерді аяғынан тік тұрғызып, елдің үрейін ұшырған қарулы қақтығысқа қатысты жаңа ақпарат: тәртіп сақшыларына қарсылық көрсеткендер бірнеше адам өліміне қатысы бар.

Қандықол қылмыскерлерді қолға түсіру шарасы түнде жүргізілген. Қалқаман ықшамауданындағы көпқабатты үйлердің бірінде жасырынған қылмыскерлер ерікті түрде құқық қорғау орындарына берілуден бас тартқан. “Сұңқар” арнайы жасағы бастаған құрықтаушы топпен арадағы қақтығыста 2 қылмыскер қаза тауып, 2 полицей жараланды деген ақпарат таратылған.  Алайда бүгін қарулы қақтығыста жапа шеккен тәртіп сақшыларының саны әлдеқайда көп екені белгілі болды. Жараланғандар жедел жеткізілген №7 аурухананың бас дәрігері Иван Ли 11 полицейдің аурахана кереуетіне таңылғанын мәлім етті. Оның екеуі өте ауыр халде жан сақтау бөлімінде жатыр, қалған тоғызының жағдайы қалыпты.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!