Ескерусіз қалған ескерткіш. Өскеменде Ұлы Отан соғысында құрбан болған сарбаздарға арналған мемориал қирап жатыр.
Көпшілік тағзым ететін киелі орын көптен бері қараусыз қалған. Плиталары түсіп, батырлардың есімі жазылған қола әріптері де әр жерде ғана қалыпты. Одан қалды,көшедегі бұзақылар қабырғасын шимайлап, қара даққа толтырып тастаған ескерткіштің маңайына маскүнемдер де үйір. Бірақ шенеуніктер ұлы жеңіс мейрамы өтетін қаладағы жалғыз нысанның бұл күйінен беймәлім екендерін айтады. Сөздеріне сенсек, бәріне ауарайы кінәлі.
Гүлжан Қазымова, Өскемен қалалық мәдениет және тілдерді дамыту бөлімінің маманы:
-Сіздердің телефон шалып айтқандарыңызға рахмет! Біз мұндағы жағдайды фотоға түсіріп алдық. Қаладағы барлық нысандар тұрғын үй шаруашылығының балансында, соларға, басқа тиісті органдарға хаттама жібереміз. Мерекеге дейін олқылықтардың бәрін жоямыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
