Қазақ болғаны үшін соққыға жығылды! Тәжікстандағы елшілік қызметінде істейтін Әмір Жанаевты жергілікті тұрғындар кеше кешкісін ұрып кеткен. Бұл туралы ақпаратты еліміздің сыртқы істер министрлігі растап отыр.
Жексенбілік демалысында Душанбе қаласындағы Айни көшесімен төрт жасар баласы және әйелімен келе жатқан жерлесіміз Әмір Жанаевқа бірнеше тәжік азаматты жабыла кеткен. Жас шамалары 25-30-дың маңайындағы азаматтардың әрекеттерінен ұлтшылдық белгілер байқалған. Қазір аталмыш жағдайға байланысты қылмыстық іс қозғалды және жергілікті құқық қорғау орындары тәртіп бұзғандарды «табамыз, жазасын береміз»деп отыр.
Асқар Әбдірахманов,ҚР Сыртқы істер министрлігінің ресми өкілі:
- Қазір, шүкір, денсаулығы бір қалыпты. Бір өкініштісі, жергілікті полиция өкілдері 20 минуттан кейін ғана келген және көше бойындағы жергілікті тұрғындардың біразы ешқандай көмек көрсетпеген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
