Алматы Халықаралық әуежайында бұрынғы Медеу аудандық сотының судьясы шалбарын шешіп тастады
Автор: Бекзат Жүсіп
21.04.2011
Тәртіпке бағынбаған жалаңаш судья. Бұрынғы Медеу аудандық сотының судьясы Марат Мақсұтов әуежайда, жұрт алдында ерекше өнерін көрсетті.
Мына бейнекадр Алматы әуежайындағы бақылау камераларына түсіп қалған. Халықаралық рейстер залындағы тексеріс кезінде белбеусіз өтуді талап еткен қауіпсіздік қызметкеріне ренжіді ме белгісіз, әйтеуір заң қызметкері бұратала шалбарын шешіп тастаған. Кейін қызметтік куәлігін көрсетіп, өзін аудандық соттың судьясымын деп таныстырыпты. Әуежай қызметкерлері бұрын соңды мұндай сорақылықты көрмегендерін айтады. Ал Медеу аудандық сотындағылар бұрынғы қызметкерлеріне қатысты қандай да бір сұхбат беруден бас тартты.
Ержан Жәкенов, “Алматы” халықаралық әуежайы тексеру қызметінің бастығы:
-Мас екені байқалмады. Қарсылық та білдірген жоқ. Белбеуді шеш дегенге, неге бұлай істегені түсініксіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
