Әйгілі актер Асанәлі Әшімовке “Достастық жұлдызы” сыйлығы табыс етілді
Автор: Бекзат Жүсіп
25.04.2011
Әйгілі актер Асанәлі Әшімов Мәскеуде марапатталды. Қазақ өнерінің марғасқасына “Достастық жұлдызы” сыйлығы табыс етілді.
Бұл марапат ТМД мемлекеттері көлеміндегі айтулы тұлғаларға беріледі. Нақтырақ, ғылым мен білім, мәдениет және қайырымдылық саласында қажырлы еңбек еткендер ғана дәл осы сыйлыққа ие болады. Қазақ елінен оған Асанәлі Әшімов лайық деп танылды. Бар ғұмырын қазақ театры мен киносына арнаған әйгілі актер талай жерде топ жарып, сан мәрте марапатқа ие болған адам. Дегенмен бұл жолғы мадақтаудың жөні бөлек,- дейді ол. Әр елдің 20 дүлдүлі ұсынылған бұл аталымда қазылар тек қана 2 өнер адамына дауыс беріпті. Соның бірі – біздің Асанәлі ағамыз. Біздің редакция ұжымы да халық артисін құттықтайды.
Асанәлі Әшімов, ҚР халық артисі:
-Еңбектің жемісі, еңбектің өзі тұжырымдалып бағалануымен бағалы ғой сол. Құдай қаласа қазан ауыз жоғары, еңбегіміз бағаланып жатса құба құп. Алда жоспарлар бар. Кинода болсын, театрда болсын, қарап отырмаймыз, естелік жазамыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
