Өскемен: 25 жастағы қыз интернетте танысқан жігіттің қолынан ажал құшты
Автор: Эльмира Ахметова
02.06.2011
Өскеменде жастардың ғаламтордағы таныстығы қайғылы оқиғамен аяқталды. 25 жастағы қыз интернетте танысқан жігіттің қолынан ажал құшты.
Із-түзсіз жоғалып кеткен қыздың денесі өзен жағасынан табылды. Онымен ең соңғы рет байланыста болған адамдардың барлығын тергеген полиция, ақыры күдікті ретінде қызбен ғаламтор арқылы хат жазысқан жігіттің қолына кісен салған. Бастапқыда кінәсын мойындаудан бас тартқан ол, соңынан оқиғаны бастан аяқ баяндап берді. Қызбен осыдан екі ай бұрын ғаламторда танысып, сөз байласқан қаскөй онымен бар болғаны 2-3 рет қана кездесіпті. Соңғы кездесуде екі жастың арасында жанжал туып, жігіт бойжеткенді бөтелкемен ұрып өлтірген. Марқұмның денесін ол алдымен арамен бөлшектеп, сосын өзен жағасына әкеп,көміп тастаған.
Дулат Нұрсолтанов, ШҚО ІІД бастығының баспасөз хатшысы:
-Жерлестерімізге айтарымыз: ғаламторда адамдармен танысқанда оның алдымен қыр-сырын білмей жатып, бірден кездесуге болмайды - ол қылмыскер болуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
