Ресейде ірі қару қоймасы жарылып, арты алапат өртке ұласты

Ресейде ірі қару қоймасы жарылып, арты алапат өртке ұласты. Оқыс оқиға Удмуртиядағы Пугачева селосында орын алған. Соңғы мәліметтерге қарағанда, әскери бөлімдегі төтенше оқиғадан 55 адам жапа шегіп, екеуі қаза тапқан. Денесін күйік шалған 19 тұрғынның жағдайы тым нашар, -дейді дәрігерлер. Жойқын жарылыстан кейін қызыл жалын жақын маңдағы үйлерге де тарап үлгерген. Осыған байланысты жергілікті билік қауіпті аумақтан тұрғындарды дереукөшіруге кірісті. Осы уақытқа дейін 14 елдімекеннің 28 мың тұрғыны қауіпсіз жерге шығарылған.