Қызылорда облысы: 16 азамат қырым қанды безгегін жұқтырды деген күдікпен ауруханаға жатқызылды
09.06.2011
Қызылорда облысында 16 азамат қырым қанды безгегін жұқтырды деген күдікпен Қазалы ауданындағы жұқпалы аурулар ауруханасына жатқызылды. Науқастардың барлығы ОңтүстікҚазақстан облысының Сайрам ауданынан келген жұмысшылар.
Барлығы 7маусым күні Қазалы ауданындағы Әйтеке би ауылына су құбырын тартуға шақырылған екен. Жұмыстан келіпескі ғимаратқа түнеген олар ертеңінде жатқан жерлерінде кененің өріп жүргенін байқаған. Дер кезінде аудандық жұқпалы аурулар емханасына қаралған жұмысшыларды санитар мамандар ауруханаға жатқызып, қатаң бақылауға алды. Абырой болғанда әзірге ешқайсысынан қатерлі індет белгілері табылған жоқ.
Ұлболсын Ақанаева, Қызылорда облыстық санитарлық эпидемиологиялық бақылау басқармасы директорының орынбасары:
- Зерттеу жұмыстары жүргізілуде. Он алты адамды бірдей кене шаққанға байланысты облыстық сараптама орталығына жіберілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
