Ақмола облысында шағын автобус жеңіл көлікпен соқтығысып, 6 адам опат болды
Автор: Айзат Тұрғынбекқызы
09.06.2011
Ақмола облысында шағын автобус жеңіл көлікпен соқтығысып, 6 адам опат болды. Тағы 10 жолаушы түрлі жарақатпен Ерейментау аудандық ауруханасына жеткізілген. Біреуінің жағдайын дәрігерлер тым ауыр деп отыр.
Астана-Павлодар тас жолы бойында соғылған екі автокөліктің бірі -«Петропавл су» АҚ-на тиесілі. Ал екіншісі – жолаушы таситын жекеменшік шағын автобус. 12 адам мінген автобус Моңголияға бара жатыр екен.
Серік Бекішев, Ақмола облыстық ІІД ЖПБ баспасөз қызметінің инспекторы:
- Астанаға бара жатқан петропавлдық жеңіл автокөлік белгісіз себептермен жолдың оң жағына қарай бұрып, қарсы бетке шығып кетіп, шағын автобуспен соғылған. Кімнің кінәлі екендігі анықталуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
