Қызылордада бойжеткен жүргізіп келе жатқан көлік жолдың қарсы бетіне шығып, соның салдарынан ірі жол апаты орын ала жаздады. Осыдан кейін қашып құтылмақ болған бойжеткен жарты сағат бойы полицейлерді әуре-сарсаңға салды.
Жол сақшылары оны қуып жеткенімен, қыз көлігінен шықпай,байбалам салды. Темір тұлпарының есік, терезесін бекітіп алған 23 жастағы бойжеткен телефон арқылы әлдекімдерге хабарласумен болды. Бірақ жол сақшылары арнайы техника шақыртқан соң ғана көлігінен шықты. Оның темір тұлпары айып тұрағына қойылды.
Руслан Шағырбай, Қызылорда облысы ІІБ ЖПБ Жеке батальон командирінің орынбасары:
- Есік, терезесін жауып алып, жол полициясының талаптарын орындамаған. Жол полициясына тиесілі манипулятор көлігімен аталған азаматашаның көлігін тиеп, автотұраққа қойылды. Құқық бұзушылық дерегі бойынша 71 мың теңге айыппұл салынды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
