«Мәссағандықтар» тағы да алда! Тәуелсіздіктің 20 жылдығы қарсаңында,әрі баспасөз күніне орай Алматы қаласының әкімдігі ұйымдастырған “Мемлекеттік тіл және бұқаралық ақпарат құралдары” атты байқаудың қорытындысы жария етілді. Ұйымдастырушылар “КТК” телеарнасының “Мәссаған” бағдарламасын арнайы дипломмен марапаттады.
Байқаудың мақсаты – мемлекеттік тіл саясатын насихаттап жүрген жекелеген авторлардың жұмысына оң баға беру және оларға қолдау көрсету. Бүгін жүлделі орын иеленгендерге бағалы сыйлықтар мен дипломдар салтанатты түрде тапсырылды. Солардың бірі – «КТК» арнасындағы “Мәссаған” ойын-сауықтық бағдарламасы. Көрермендердің көзайымына айналған бағдарламаны жасаушылар биылғы жылы үшінші рет жүлделі болып отыр. “Мәссағанның” басқа ойын-сауықтық бағдарламалардан ерекшелігі – әзіл-сықақ үлкен-кішіге түсінікті, ойнақы да,жеңіл тілмен ұсынылады.
Айжан Батырова, «Мәссаған» бағдарламасының продюсері:
- Осы байқауға қатысып, жүлделі орынға ие болғанымызға өте қуаныштымыз. «КТК» арнасын қосып, “Мәссаған” бағдарламасын көріңіздер!
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
