Астанадағы мамандандырылған сот бүгін кешкісін экс-министр Жақсылық Досқалиевтан жауап алуды бастады. «Дәрігерлер ісіне» қатысты сот өткен айдың басынан бері жүргізіліп келеді. Осы уақытқа дейін алқа билер алдында куәгерлер сөйледі.

Жалпы саны 200-ге жуық адамнан жауап алынды. Ал бүгін күні бойы «МДС»компаниясының басшысы болған Төлеген Тойғамбаев түсініктеме берді. Оған экс-министр Жақсылық Досқалиевпен астыртын келіссөз жүргізді деген айып тағылып отыр. Осылайша мемлекетке 2 жарым миллиард теңгеге жуық шығын келтірілген көрінеді. Бірақ сот алдында жауап берген кәсіпкер өзіне тағылған бұл айыптардың  барлығын мойындаған жоқ. Ал дәл қазір соңғы бір жарым сағаттан бері Жақсылық Досқалиевтің өзінен жауап алу басталды. Бірақ экс-министрдің өтініші бойынша сот залына түсіру камераларыкіргізілген жоқ. Дегенменістің қалай жүріп жатқандығы  алдағы уақытта да біздің тілшілеріміздің назарында болмақ.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!