Елімізде аты аңызға айналған ғашықтар - Қыз Жібек пен Төлегенге арналған ескерткіш алғаш рет қойылды! Ол Өскеменде Ертіс бойындағы Ғашықтар аллеясының ортасына орнатылды.
Композицияда екі жастың құшақтасқан бейнесі мүсінделген. Үш метрлік туындыны мүсінші Валерий Дранишников бар болғаны он күннің ішінде полимер бетоннан соғып шыққан. Ол “Қыз Жібек” лиро-эпостық жырын оқымаса да, фильмді бірнеше мәрте көріпті. Жалпы, Шығыс Қазақстандағы Абай ауданында Еңлік-Кебектің ескерткіші, ал Аягөз қаласының маңында Қозы Көрпеш пен Баян сұлуға арналған кесене бар. Енді Өскемен қаласына Қыз Жібек пен Төлеген ескерткіші орын тепті. Тұрғындар бұрын қоқыстан көзі ашылмаған жердің осыншалықты әдеміленіп кеткеніне қатты қуануда.
Айгүл Тұрсынбаева, тұрғын:
- Бұдан бұрын, жаңа өзім қарап келе жатып ойладым, нашар болған еді. Қазір міне,өз сәніне, өңіне кіріп,әдемі болды!
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
