Түрме қызметкері сотталған адамнан пара алып жатқан жерінде құрықталды
Автор: Айжан Әлібек
06.10.2011
Павлодарда түрме қызметкері сотталған адамнан пара алып жатқан жерінде құрықталды.
Төрт мың доллар темір торға тоғытылған 55 жастағы азаматты мерзімінен бұрын босатып жіберу үшін сұралған екен. Яғни қылмыстық атқару жүйесінің 43 жастағы қызметкері оның ісін тиісті мекемеге жіберіп, комиссияның оң шешім қабылдауына ықпал жасауы керек болған. Сондай-ақ, келешекте «қамқорлыққа аламын» деп сөз берген. Өзгенің мүлкін тартып алды деген айыппен тоғыз жылға сотталған азаматты жақсы тәртібі үшін түрме басшысы қоныс колониясына аударыпты. Параны алып кетуге подполковник сол жерге келген. Жоғары шенді азаматтың тағы бір жазасын өтеушіден кезекті еңбек демалысын беруге қолғабыс еткені үшін шетел көлігіне екі доңғалақ алғаны да белгілі болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
