Ю.Тимошенко: бұл Януковичтің басты саяси бәсекелестерін құртуға бағытталған қитұрқы әрекет!
Автор: Артур Ізбасов
11.10.2011
Украинаның бұрынғы премьер-министрі Юлия Тимошенко 7 жылға сотталды. Киевтің Печерск аудандық соты оны Ресеймен газ тасымалына қатысты келісім жасағанда қызмет бабын асыра пайдаланған деп шешті.
2009 жылғы келісімнің кесірінен «Нафтогаз Украина» ұлттық компаниясы 200 млн доллар шығынға батқан көрінеді. Прокуратура:«Газ бағасының Украина үшін тиімсіз екенін біле тұра, Тимошенко 2010 жылы өткен сайлауда саяси ұпай жинау үшін келісімді әдейі жасады» - деп отыр. Және сол шығынды экс-премьерден өндіріп алуды талап еткен болатын. Ал өзін 7 жылға бас бостандығынан айыруды сұраған. Сот 7 жыл абақтыны қолдағанымен, «Нафтогаздың» шығынына қатысты талапты қанағаттандырған жоқ. Тимошенконың өзі кінәсін мойындамады. Ол сот процесінпрезидент «Виктор Януковичтің басты саяси бәселекелестерін құртуға бағытталған қитұрқы әрекет» деп атады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
