Теміртауда белгісіз біреу қарсы келгендерге автоматтан оқ жаудырған
Автор: Ербол Сейілхан
13.10.2011
Теміртауда белгісіз біреу қолына қару алып, қарсы келгендерге әй-шәй жоқ, оқ жаудырған. Абырой болғанда ешкім зардап шеккен жоқ. Қаланы дүр сілкіндірген оқиға бүгін түнде тұрғын үй аулаларының бірінде орын алды.
Түн ішінде автоматын асынып, көзіне көрінгенге оқ жаудырған азаматтың әрекеті тұрғындардың зәре-құтын қашырған. Оның нысанасына ойда-жоқта ілінген адамдар әйтеуір бой тасалап үлгеріпті. Атылған оқ тек аулада тұрған бір көлікке тиген екен. Кейін белгілі болғандай, жұрттың тынышын алған 50 жастағы теміртаулық азамат болып шықты. Сол сәтте удай мас болған. Ал не үшін жұртқа қару кезенгенін түсіндіріп бере алмапты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
