Еуразиялық экономикалық одақ «КСРО қайта өмірге келді» дегенді білдірмейді
Автор: Нартай Аралбайұлы
18.11.2011
Бүгін Мәскеуде Қазақстан, Ресей және Беларусь үштігі Еуразиялық экономикалық одақ құрды. Одақ жайы саяси элитада талқыланғанына біраз уақыт. Енді бүгіннен бастап Мәскеуде тұсауын кесті. Үш ел президенті осы тұрғыдағы бірқатар құжаттарға қол қойды.
Еуразиялық экономикалық ықпалдастық туралы декларация мен Еуразиялық экономикалық комиссия туралы келісім-шарт бекітілді. Үш елдің президенттері Жоғары экономикалық кеңестің мүшелері ретінде Еуразиялық экономикалық комиссия жұмысының регламенті туралы шешімге де қол қойды. Сыңаржақ пікір ұстанғандарға елбасылар ұғынықты ұқтырды: құрылған Одақ КСРО қайта өмірге келді дегенді білдірмейді. Бұл тәуелсіз елдердің өзара келісімі. Үш елдің басын біріктірген Одақ сауда айналымын, нарықты толық өз бақылауында ұстамақ. Және Қазақстан, Ресей, Беларусь - бәрі де тең құқылы. Кедендік Одақ жұмысын бастағалы еліміздің қос серіктесімен арадағы сауда айналымы екі есеге өскен. Ал Еуразиялық экономикалық одақ бұл межені одан әрі жоғарылатуы тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
