Алматыда жантүршігерлік жол апаты орын алды. "Субару" мен "Мицубиси" көліктерінің соқтығысуы салдарынан 2 адам қаза тауып, 9-ы түрлі дене жарақаттарын алған. Алғашқы болжамдар «Мицубиси» жол талғамайтын көлігінің қарсы бетке шығып кеткенін айғақтап отыр.
Апат таңғы сағат төртте Тимирязев пен Жандосов көшелерінің қиылысында болған. Екі көлік бетпе-бет кеп соғылған, бірі жанына қарай ауып кеткен, ал салонында екі адам отырған «Субару» кері бағытқа айналып тұрып қалған. Жол талғамайтын көліктің ішінде 7 адам болыпты, екі қыз бала оқиға орнында жан тапсырды. Белгілі болғаны, марқұмдардың бірі 19 жасқа толған туған күнін атап өткен көрінеді. Дереу оқиға орнына жеткен жедел жәрдем қызметі жапа шеккендерге көмек көрсетті, қаза болған екі бойжеткеннен бөлек, «Субарудың»жүргізушісі мен жолаушысы ауыр халде жан сақтау бөліміне жеткізілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
