Кәмелет жасқа толмағандар тобы зәулім үйлерді тонаумен айналысқан
Автор: Әйгерім Асқарқызы
23.11.2011
Атырауда кәмелет жасқа толмағандардан құралған топ жарты жыл бойы зәулім үйлерді тонаумен айналысқан. Осы уақыт ішінде сұғанақтар 60 млн теңгені қалталарына басыпты.
Ұрлық-қарлықпен тапқан ақшаға көңілкөтеру орындарында демалып, теңізге саяхат жасаған. Ұсталған 5 бозбаланың үлкенінің жасы 20-да, қалғандары 18-ге де толмаған. Олар жорыққа күндіз, үй иелері жоқ кезде шығып отырыпты. Айтуларынша, тек бай-бағландардың үйлеріне көз тіккен. Бір қызығы, бұлардың өздері де тұрмыс деңгейі жоғары отбасылардан шыққан. Жеткіншектерден қару-жарақтың түр-түрі мен оқ дәрілер тәркіленді. Ақша, ұялы телефондар, зергерлік бұйымдар мен қымбат қолсағаттарды айтпағанда, тұрмыстық техниканы да көтеріп кетуден тайынбапты. Осылайша жарты жылда 60 млн теңге тапқан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
