{metadescription}
Шымкентте 23 жастағы жігіт төрт қабатты ғимарат шатырынан құлап, аман қалды. Қаладағы телекоммуникациялық мекеменің өкілі көпқабатты үйдің үстіне антенна орнатуға шыққан екен.
Шатырда жүрген жігіт белгісіз себептермен бір жарым метр қашықта тұрған көрші үйдің төбесіне өтпек болған. Сол кезде қос ғимараттың арасын байланыстырып тұрған шифер жабындысы сынып, ол екі ғимараттың арасына құлап кеткен. Абырой болғанда жігіт қос үйдің қуысына қысылып, аман қалды. Байланыс компаниясының өкілін қыстырылған жерінен құтқарушылар алып шықты. 23 жастағы жігіттің бұғанасы сынып кетіпті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
