Тұңғыш президент қорының ұйытқы болуымен талантты жастарды танытар «Talents Go» байқауының ақтық мәресі өтті.
15 қыркүйектен бастау алған шараға еліміздің жетекші оқу орындарының студенттері қатысқан болатын. Сайыс қорытындысы бойынша 26 студент финалда бақ сынасты. Жастардың тың туындыларына бизнес пен ақпараттық технологиялар әлемінің білікті мамандары қазылық еткен-ді. Төрешілердің оң бағасын алғандарға қаржылай сыйақы берілді. Солардың ішінен озып шыққан Олжас Ахметов жылдам сөздіктің қазақ және орыс тілдеріндегі электронды нұсқасын әзірлеп шыққан. Ол ұсынған «Сөз қазынасы» жобасы үздік деп танылып, отандық кәсіпорындардың бірінен сынақтан өту мүкіндігіне ие болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
