Қарағандыда жолаушылар тасымалдайтын екі автобус соқтығысты. Таңғы қарбалас кезінде орын алған апат салдарынан 8 адам зардап шеккен. Оның екеуі ауыр халде ауруханаға жөнелтілді.
Екі автобус та жолаушыларға лық толы болыпты. Бүйірінен соққы алған МАН автобусы басқа көліктерді жапырып өтпес үшін оңға қарай тартыпты. Салдарынан бірнеше тонналық көлік жол шетіндегі электр бағанымен қоса оған бекітілген жедел әрекет ету орталығының бейнекамерасын да күл талқан еткен. Абырой болғанда адам қазасы жоқ. 6 жолаушыға сол жерде алғашқы медициналық көмек көрсетілсе, екеуін жедел жәрдем алып кетіпті. Көргендердің айтуынша, жол ережесін қытай автобусы бұзған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
