Петропавлда «Қазпошта» қызметкері ұсталды. Ол осы мекеменің Есіл аудандық бөлімшесіне жуырда ғана жұмысқа тұрған екен. Аз ғана уақытта басшылардың сеніміне кірген жігіт кассадан 1 млн. теңгені қолды қылған.
Астана қаласының тұрғыны Есіл ауданындағы Явленка ауылына жуырда көшіп келген екен. Осында «Казпошта» бөлімшесіне жұмысқа тұрып, кейін бір қызбен көңіл қосады. Сол күні ол сүйіктісімен жанжалдасып, Астанаға оралмақ болыпты. Кетпес бұрын күдікті түскі үзілісті пайдаланып, жұмысындағы сейфтегі ақшаны жымқырған. Бірнеше күннен кейін жігіт Петропавлда ұсталды. Ұрлаған ақшаға ол қымбат киім мен ұялы телефон сатып алыпты. Қалтасында қалған 21 мың теңгені тәртіп сақшылары тәркіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
