Шымкентте қоғамдық қауіпсіздікті сақтаумен емес, ақша бопсалаумен айналысқан полиция қызметкерлері ұсталды. 43 жастағы старшина мен 30 және 23 жастағы екі сержант қала көшелерінде тәртіп бұзған немесе мас күйде жүрген тұрғындарды бопсалаған.
Үш адамнан құралған патрульдік полиция жасағын өзіндік қауіпсіздік қызметі қолға түсірді. Олардың қалтасынан алынған 11 мың теңге тәртіп сақшыларының өздері қылмыспен айналысқанының айғағы. Бұл ақшаны полицейлер қала тұрғынынан әкімшілік жазаға тартпау үшін талап еткен болып шықты. Айта кетейік, дәл осы полиция жасағына қатысты бұған дейін де азаматтардан бірнеше арыз түскен екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
