“ПСЖ” мен “Ювентус” чемпиондар лигасының келесі кезеңіне өтті. Алғашқы бәсекеде “Селтикты” 3:0 есебімен жеңген италиялық клуб қарымта матчта 2:0 есебімен басым түсті.
Ал көшбасшы Златан Ибрагимовичсыз өнер көрсеткен “ПСЖ” “Валенсиямен” тең ойнады. Алғашқы таймда есеп ашылған жоқ. Есесіне үзілістен кейін қонақтар Жонастың көмегімен алға шықты. Айып алаң сыртынан қақпаның жоғарғы бұрышын дәл көздеген бразилиялық “Валенсия” жанкүйерлерін бір желпіндіріп тастаған. Алайда Эсекьель Лавесси араға он минут салып таразы басын теңестірді. Ал бүгін сіздер түнгі сағат 23:50 де біздің арнадан Еуропа лигасы аясында “Штутгарт” пен “Лацио” сондай-ақ, “Тоттонхэм” мен “Интер” арасындағы кездесуді тамашалай аласыздар.
Алматы қаласының бокс федерациясы халықаралық әйелдер күніне орай бокстан Қазақстан чемпионатында жүлде салған қыздарды марапаттады. Шымкентте өткен ел біріншілігінде алматылық спортшылар 3 алтын, 1 күміс және 5 қола медаль еншілеп командалық бірінші орын алған болатын.
Алматы қалалық федерациясының басшысы Амалбек Тшанов спортшы қыздарды алдағы мерекемен құтықтап, чемпиондарға 150 мың теңге көлемінде сыйақы таратты. Әйелдер боксын дамыту қазір басты міндеттердің бірі. Өйткені алдағы Рио де Жанейрода өтетін Олимпиада ойындарында нәзік жандылар алты салмақта өнер көрсетеді деп күтілуде. Биыл Қазақстанның жеті жүркін чемпионы атанған Саида Хасенова басты үміттердің бірі. Халықаралық жарыстардан жүлдесіз қайтпайтын шеберіміздің әлі де алар асуы алда екені сөзсіз.
Саида Хасенова, Бокстан Қазақстанның бірнеше дүркін чемпионы:
- Келесі айда Украина қыздарымын бірігіп оқу жаттығу жиынын өткіземіз. Алдағы ең басты мақсат әрине ол Олимпиада ойындары. Бірақ оған дейін Азия ойындары, әлем біріншілігі бар. Сондықтан қазір үлкен дайындық жүргізудеміз.
Аса ауыр салмақ бойынша бірнеше тұжырым чемпионы Владимир Кличко келесі жекпе-жегін 4- мамыр күні өткізеді. Кәсіпқой бокс әлемінде дәурені жүріп тұрған кіші Кличкоға италиялық үміткер Франческо Пьянета қарсы тұрады.
Бір-біріне сыры мәлім боксшылар Германияның Мангейм қаласында алдағы матчқа орай баспасөз- мәслихатын ұйымдастырды. 28 жасар Франческо кезінде Владмирдің спарринг-әріптесі болған. Шаршы алаңда 28 кездесу өткізген италиялық боксшы әлі күнге жеңілістің ащы дәмін татпаған. 15 бәсекені нокаутпен аяқтап, тек бір матчта таразы басы тең түскен. Бүгінгі мәслихат барысында Франческо Пьянета , Бүкіләлемдік бокс қауымдастығының супер чемпионын нокаутпен жеңем деп уәде етті. Талай мықтыны тізерлеткен 36 жастағы Кличко, тек жылы лебізбен шектелді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
